Жаңалықтар

2021 жылы Қазақстанда зейнетақы мен жалақы қанша болады

22.08.2020

1 мин

0

1751

2021 жылдың 1 қаңтарынан бастап ең төменгі жалақы мөлгерін 42 500 теңге мөлшерінде бекіту жоспарланып отыр. Бұл туралы "2021–2023 жылдарға арналған республикалық бюджет туралы" заң жобасында жазылған.

2021 жылдың 1 қаңтарынан:

• ең төменгі жалақы – 42 500 теңге;
• ең төменгі мемлекеттік базалық зейнетақы – 18 524 теңге;
• зейнетақының ең төменгі мөлшері – 43 272 теңге;
• жәрдемақыларды және өзге де әлеуметтiк төлемдердi есептеу, сондай-ақ Қазақстан Республикасының заңнамасына сәйкес айыппұл санкцияларын, салықтарды және басқа да төлемдердi қолдану үшiн айлық есептiк көрсеткiш – 2 917 теңге;
• базалық әлеуметтiк төлемдердi есептеу үшiн ең төменгі күнкөрiс деңгейiн – 34 302 теңге мөлшерінде бекіту жоспарланып отыр.

"Жасына байланысты зейнетақыға және еңбек сіңірген жылдары үшін зейнетақы төлемдеріне жұмсалатын қаржы 2021 жылдың 1 қаңтарынан бастап олардың мөлшерін 7 пайызға көтеру ескерілген", - делінген құжатта.

Сонымен қатар, 2021 жылдың 1 қаңтарынан әлеуметтік медициналық сақтандыру қорына төленетін мемлекет жарнасының мөлшері – жарнаны есептеу объектісінен 1,6 пайыз деп белгiлеу ұсынылды.

Еске салсақ, қазіргі таңда ең төменгі зейнетақы 40 441 теңгені құрайды. 

"2021–2023 жылдарға арналған республикалық бюджет туралы" заң жобасы 2020 жылдың 4 қыркүйегіне дейін талқыланады.