Товарные рынки | ||
BID | ASK | |
Brent | 0.00 | 0.00 |
Лайт | 0.00 | 0.00 |
17 тамыздан бастап елімізде бірқатар мекемелер өз жұмысын бастайды. Десе де кей кәсіпорындарға әлі де рұқсат берілген жоқ. Осы орайда жұмысын бастамайтын кәсіпорындарға 42 500 теңге төлеу мерзімін ұзарту ұсынылып отыр.
Қазіргі уақытта бұл мәселе бойынша келіссөз жүргізіліп жатыр.
"Біз қазір жұмысы басталмайтын мекемелерде жұмыс істейтін қызметкерлерге 42 500 теңге төлеу бойынша ұсыныс дайындап жатырмыз. Карантин режимі жеңілдегенмен, бірнеше бағыттағы кәсіпорындар шет қалып отыр. Мысалы, караоке, тойхана және басқа да қызмет түрлері бар. Ол бағытта қанша қанша адам жұмыс істейтінін анықтап, тексеріс жүргіземіз", - деді "Атамекен" төрағасының орынбасары Эльдар Жұмағазиев.
Сондай-ақ Ұлттық палата кәсіпкерлердің несиесін кейінге шегеру, салық мерзімін ұзарту және жалдау ақысын төлеу мәселелерін пысықтауды ұсынады.
Бұған дейін ҰКП төрағасының орынбасары елімізде енгізілген карантин салдарынан 1,3 миллион адам жұмыссыз қалғанын айтқан еді.
Тағы көру