|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Ел президенті Қасым-Жомарт Тоқаев Қазақстан халқына жолдауында зейнетақының бір бөлігін тұрғын үй алу үшін аударып тұруға рұқсат беруді тапсырды. Сондай-ақ ол елімізде азаматтарды баспанамен қамтамасыз етуге бағытталған жаңа бағдарлама іске қосылатынын айтты.
“Елімізде Баспана Хит және 7-20-25 бағдарламалары арқылы баспаналы болу мерзімі таяу арада аяқталады.Сол себепті, бірыңғай тұрғын үй бағдарламасы дайындалады. Ұлттық даму институтына айналатын “Отбасы” банкі оның әкімшісі болып белгіленеді. Банк алдында “бір терезе” қағидаты бойынша есеп жүргізіп, тұрғын үй бөлу міндеті тұр”, – деді мемлекет басшысы.
Сонымен қатар, мемлекет басшысы зейнетақы жинағының бір бөлігін баспана алуға пайдалануды жалғастыруды тапсырды.
“Зейнетақы жинағының бір бөлігін алудың бірқатар артықшылықтары байқалуда. Бұл азаматтардың жалақыларын заңды түрде төленуін талап етуге әкелді деп айтуға болады. Осы тұрғыда, зейнетақы жинақтамасының бір бөлігін жеткіліктілік шегінен жоғары деңгейде “Отбасы” банкіне тұрғын үй алу үшін аударуға рұқсат етуді тапсырамын. Бұл бастама тұрғындардың қор жинау мен қаражатты тиімді түрде басқаруға дағдылануға ықпал етеді”, – дейді ол.
