Товарные рынки | ||
BID | ASK | |
Brent | 0.00 | 0.00 |
Лайт | 0.00 | 0.00 |
Нұр-Сұлтан қаласында 2021 жылы 10 мың әлеуметтік пәтер салынады. Сонымен қатар, «Жұмыс істейтін жастарға арналған жалдамалы тұрғын үй» бағдарламасы жалғасады. Бұл туралы елорда әкімі Алтай Көлгінов қала тұрғындарына есеп беру кездесуінде айтты.
«Құрылыс саласында қолжетімді баспана салу аса маңызды. Өткен жылы пандемияға қарамастан, елордада 3 млн шаршы метрден астам үй салынды, олардың 80% - жекеменшік инвестициялар. Мемлекет басшысының тапсырмасымен қолжетімді баспана санын үш еса арттырдық. Мысалы, егер 2018 жылы 1 100 әлеуметтік пәтер салынса, 2019 жылы жеңілдікпен берілетін 2 900 пәтер, ал 2020 жылы 7 мыңнан астам әлеуметтік пәтер салынды. Биыл жеңілдікпен берілетін пәтер саны 10 мыңға дейін артады», - деді Нұр-Сұлтан қаласының әкімі Алтай Көлгінов.
Сондай-ақ, 2021 жылы елордада Елбасының бастамасымен басталған «Жұмыс істейтін жастарға арналған жалдамалы баспана» бағдарламасы жалғасады. Бағдарлама аясында жыл соңына дейін 1 мыңнан астам жас азамат баспаналы болады.
Тағы көру