Жаңалықтар

Елімізде карантинге қатысты өзгерістер жарияланды

19.10.2020

1 мин

47

19933

Премьер-министр Асқар Маминнің төрағалығымен елімізде COVID-19 індетінің таралуына жол бермеу жөніндегі ведомствоаралық комиссияның отырысы өтті.

Отырыс барысында мемлекет басшысының тапсырмасына сәйкес коронавируспен күресудің қосымша шаралары талқыланды.

Шекарада бақылау ережесі күшейеді 

• 26 қазаннан бастап шет елдердегі эпидемиологиялық ахуалды ескерумен шетелге ұшатын әуе рейстерінің санын қысқарту;
• Қазақстан аумағына келгендердің барлығын (соның ішінде ҚР азаматтарын), сондай-ақ екіжақты халықаралық тасымалдарды жүзеге асыратын жүргізушілерді міндетті ПТР-тестілеуден өткізу;
• шетелден келушілерге, оның ішінде ҚР азаматтары үшін де ПТР тестіден өткені туралы анықтаманың жарамды мерзімін 3 күнге дейін белгілеу туралы шешім қабылданды.

Айта кетейік, бүгін медицина орталықтары мен зертханаларда коронавирусқа тест тапсыру қызметі 9 мың теңгеге арзандады.

24 қазаннан бастап сенбі күндері сағат 17:00-ге дейін сауда ойын-сауық орталықтары, сауда үйлері, жабық базарлар жұмыс істей бастайды.

26 қазаннан бастап кинотеатрлар қашықтықты және маска тағу режимін сақтай отырып, сыйымдылығы 30 проценттен аспайтын адам санымен жұмысын қайта бастайды.