|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Елімізде келесі аптадан бастап демалыс күндері белгіленген карантин талаптары жеңілдеуі мүмкін. Бұл туралы Денсаулық сақтау министрі айтты.
Бұған дейін Ashyq жүйесімен жұмыс істейтін кәсіпкерлер демалыс күндері жұмыс істеуге рұқсат беруді сұраған еді. Десе де, 18 тамызда өткен отырыс барысында Алексей Цой сенбі-жексенбі күндеріне қабылданған шаралар жалғасатынын айтқан.
Оның айтуынша, қазірге кезде елдегі жағдайға байланысты шектеу шараларын қатаң ұстану орынды. COVID-19 індетін жұқтыру әлі де азаяр емес. Алайда "Атамекен" кәсіпкерлер палатасының ұсынысын ескеріп, жағдай қалыпты деңгейде сақталса, келесі аптадан бастап сенбі күні жеңілдік жасау жоспарланған.
Еске сала кетейік, "Атамекен" ҰКП Басқарма төрағасының бірінші орынбасары Нариман Әбілшақов Ashyq жүйесімен сенбі күні сағат 21:00-ге дейін, ал жобаның "көшбасшыларына" 00:00-ге дейін жұмыс істеуге рұқсат беруді ұсынған.
