Товарные рынки | ||
BID | ASK | |
Brent | 0.00 | 0.00 |
Лайт | 0.00 | 0.00 |
Шетел азаматы Қазақстанға келіп, жалға алынған үйде есірткі өндірісімен айналысқаны мәлім болды. Үйді жалға берген азаматтарға Ішкі істер министрлігі тарапынан ескерту жасалды.
Министрлікке қарасты Есірткі қылмысына қарсы іс-қимыл департаментінің басқарма басшысы Бақытжан Әмірханов оқиғаның Қарағанды облысында орын алғанын айтты. Көрші елден келген күдікті құзырлы органдардан Қазақстанда тұруға рұқсат алып, жалға алынған жеке меншік үйде синтетикалық есірткі жасаумен айналысқан.
Оқиға орнынан 750 грамм дайын күйіндегі синтетикалық есірткі тәркіленіп, барлығы 5-6 келі салмақты құрайтын есірткі заты, есірткіні өндіруге қажет құрал-жабдықтар табылған. Есірткінің бір грамы 15 мың теңге тұратынын ескерсек, тәркіленген заттың жалпы құны 76 миллион теңгені құрайды.
Осыған байланысты Бақытжан Әмірханов жеке меншік үйлер мен пәтерлерді жалға берушілерді күдік туғызатын заттар мен құрал-жабдықтарды байқаған жағдайда бірден полицияға хабар беруге шақырды.