|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Биыл Шымкентте тағы бір жаңа өндіріс орны ашылуы мүмкін.
Ресми ақпаратқа сүйенсек, жоба "Тассай" индустриалды аймағында жүзеге асады. Өнеркәсіптік аймақта құрылыс қоспалары үшін сыйымдылығы 150 литрді құрайтын болат бөшкелер өндірісі іске қосылады.
"Жобаны жүзеге асыру үшін инвестор тарапынан 500 млн теңге жұмылдырылады. Өндірістің іске қосылуы осы жылға жоспарланған. Кәсіпорынның қуаттылығы жылына 200 мың бірлікті құрайды. 40 жұмыс орны құрылады.", – делінген хабарламада.
Еске сала кетейік, мегаполисте осы жылдың соңына дейін жеңіл өнеркәсіпте үш өндірісті іске қосу көзделген. Инвестициялардың жалпы көлемі 1,22 млрд теңгені құрайды. Нәтижесінде, 100-ден астам адамды жұмыспен қамту жоспарланған. Сонымен қатар "Оңтүстік" индустриялық аймағының аумағында металл бұйымдарын құю жөніндегі шағын зауыт салынуда. Жобаны іске қосу инвесторға 750 млн теңгеге түседі.
