«Dauletten» қайырымдылық қорының маусым айындағы Қайырымды жұма акциясы аясында «БАЛА-ШАҒАМЕН АУЫЛҒА» жобасы бастау алды. Жоба аясында 5 отбасыны қаладан ауылға көшіру жоспарланған.

Қор тарапынан жоба қатысушыларына:

• Ауылдан үй алынады;
• 2 сиыр және 2 бұзау беріледі;
• 1 жыл көлемінде 42500 теңге төленіп отырады;
• Ауылға 10 ағаш ексе, бір реттік 50 000 теңге төленеді;
• Ауылда бір жыл ішінде бала дүниеге әкелсе, бір реттік 200 000 теңге беріледі;
• Кәсіп ашса, Дәулет Төлеутайұлының Instagram парақшасында тегін жарнама мүмкіндігі;
• Көшкен ауылда 3 жыл тұратын болса, үй атына аударылады. Оған дейін баспана қордың жеке меншігінде болады.

Егер жоба сәтті жүзеге асып жатса, қыркүйек айында тағы 5 отбасыны сол ауылға қоныстандыру жоспарда бар. Жоба Дәулет Төлеутайұлының ҚАЙЫРЫМДЫ ОҚЫРМАНДАРЫ арқасында жүзеге асады.

Дәулеттің оқырмандары - Қайырымдылықтың нағыз бренді!

1-7 маусым аралығында барлығы 4911 өтінім келіп түсті.

8-20 маусым аралығында барлық өтінім тексеріліп, ішінен 5 отбасы іріктелініп алынады.