|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Абай облысы Аягөз ауданында 18 жастағы мерзімдегі сарбаз көз жұмды, - деп хабарлайды Dauletten.kz.
Қорғаныс министрлігінің мәліметінше, 19 мамырда Аягөз қаласындағы орталық аудандық ауруханада мерзімді әскери қызметін өтеп жүрген сарбаз бактериалды менингиттің гипертоксикалық түрінен қайтыс болды.
— 16 мамыр кешкісін сарбаз әлсіздік пен дене қызуының көтерілуіне байланысты Аягөздегі әскери госпитальге жеткізілген. Алғашқы тексеру мен медициналық көмекке қарамастан, жағдайы жақсармаған. 17 мамырда қосымша тексеру жүргізіліп, соның нәтижесінде науқас аудандық ауруханаға ауыстырылған, — делінген министрлік таратқан ақпаратта.
18 мамыр күні жауынгердің жағдайы күрт нашарлаған. Дәрігерлер жансақтау шараларын қолданғанымен, оны аман алып қалу мүмкін болмаған.
Қайтыс болған сарбаз 2025 жылдың 25 сәуірінде Солтүстік Қазақстан облысынан әскер қатарына шақырылған. Ол небәрі бір айға жуық уақыт ғана қызмет етіп үлгерген. Қазіргі таңда бұл факті бойынша қылмыстық іс қозғалып, тергеу амалдары басталды.
— Құрлық әскерлерінің қолбасшылығы марқұмның отбасына және туған-туыстарына қайғырып көңіл айтады. Сондай-ақ, оларға барлық қажетті көмек пен қолдау көрсетілетіні хабарланды, — делінген ресми хабарламада.
