Қазақстан Республикасы Мәдениет және ақпарат министрлігі Мемлекет басшысы тағайындаған «Тәуелсіздік ұрпақтары» грантын беру бойынша 2026 жылғы конкурс басталғанын еске салады, - деп хабарлайды Dauletten.kz.

Гранттың негізгі мақсаты – белсенді әрі шығармашыл жастар қауымдастығын қалыптастыруға бағытталған жаңа идеялар мен бастамаларды мемлекеттік қолдау.

2026 жылы республикалық деңгейде 30 грант беріледі, әр гранттың мөлшері – 3 миллион теңге.

Конкурсқа Қазақстан Республикасының 14 пен 35 жас аралығындағы (34 жасты қоса алғанда) азаматтары қатыса алады.

Гранттар конкурстық негізде келесі алты бағыт бойынша ұсынылған жобаларды жүзеге асыруға арналған:

– «Ғылым» – ғылыми жобалар мен зерттеулер;

– «Мәдениет» – мәдени мұраны насихаттау, ұлттық дәстүр мен өнерді дамыту;

– «Ақпараттық технологиялар» – IT шешімдер мен стартап жобалар;

– «Бизнес» – жаңа бизнес-идеялар;

– «Медиа» – танымдық және пайдалы контент әзірлеу;

– «Волонтерлік» – әлеуметтік мәселелерді шешуге бағытталған бастамалар.

Өтінімдер 2026 жылғы 21 сәуір мен 21 маусым аралығында (21 маусым күні сағат 24:00-ге дейін) қабылданады.

Конкурсқа қатысу үшін үміткерлер келесі құжаттарды мемлекеттік немесе орыс тілдерінде ұсынуы қажет:

– конкурстық өтінім (онлайн форма);

– жобаның сипаттамасы (PDF);

– 60 секундқа дейінгі бейнематериал немесе 10 слайдтан аспайтын презентация;

– шығындар сметасы (PDF);

– зияткерлік меншік туралы мәлімет (бар болса);

– жеке куәлік немесе туу туралы куәліктің көшірмесі.

Қосымша ақпарат алу үшін байланыс телефондары: 8 (7172) 74-12-78, 8 777-114-66-82.

Электрондық пошта: t.urpaqtary2026@gmail.com.

Жұмыс уақыты: жұмыс күндері сағат 09:00-ден 18:30-ға дейін.