|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Баспана алуға арналған "Алматы жастары 3.0" бағдарламасына жалпы сомасы 13 миллиард теңге бөлінген. Оның 10 миллиард теңгесі жергілікті бюджеттен, ал 3 миллиард теңге банктен қарастырылған.
Жыл басынан бері Алматы қаласында 343 отбасы баспана кілтін алды. Оның ішінде 188 азамат "Алматы жастары 3.0" жобасы аясында жеңілдетілген пайыздық мөлшерлемемен несие рәсімдеді.
Ал "Бақытты отбасы" бағдарламасымен 155 отбасы баспанаға қол жеткізді.
Алматы қаласы тұрғын үй саясаты басқарма басшысының орынбасары Айбек Сайдельдаевтың айтуынша, 2020 жылы қала бойынша 3 мыңға жуық үй беріледі деп жоспарлануда.
"Алматы жастары 3.0" бағдарламасы бойынша 8 мыңға жуық өтініш тапсырылды. 3 мың өтініш І кезеңде, 5 мың өтініш ІІ кезеңде түсті. Соның ішінде бір жарым мыңға жуық азаматқа банктен несие рәсімдесе, 500 азаматтың құжаттары қарастырылу үстінде.
Білім беру саласы бойынша 82 адам, денсаулық сақтау саласының 57 маманы, ЖОО мен ғылыми-зерттеу институттарының 23 адамы және БАҚ саласынан 11 адам, 12 мәдениет қызметкері мен 2 әлеуметтік сала маманы және бір адам спорт саласы бойынша үйлі болды.
Айбек Сайдельдаев "Алматы жастары 3.0" бағдарламасына қатысушылардың өтініш толтыру барысында жіберетін қатесін айтты.
"Тізімде бірінші кезекте денсаулық сақтау саласы тұрады. Өкінішке орай, құжат тапсырушылар ақпаратқа назар аудармай, саланы өзгертпейді. Нәтижесінде құжаттарда басқа сала, өтінімде басқа сала тұрады. Біз мемлекеттік мекеме болғандықтан ол таңдауға түзету енгізе алмаймыз. Себебі, адам өтініш толтырарда мәліметтердің дұрыстығын мұқият тексеруі керек", - дейді ол.
Сондай-ақ басқарма басшысының орынбасары алаяқтардан сақ болуға шақырды. Жастарға баспана алуға арналған бағдарлама шарттары мен талаптары толық сақталған. Бағдарлама аясында 13 миллион теңгеге дейінгі үйді жылдық 5% жеңілдікпен алуға болады. Алғашқы жарна – 10%. Ал несиені қайтару мерзімі – 3 жылдан 25 жылға дейін. Ай сайынғы төлем әр азаматтың төлем қабілеттігі бойынша жеке есептеледі.
Тағы көру
