|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Мәжіліс депутаты Ерлан Саиров халықтың әл-ауқатының төмендеуіне байланысты Үкіметке шұғыл шаралар қабылдауды ұсынды, - деп хабарлайды Dauletten.kz.
Ұлттық статистика бюросының мәліметтері бойынша, азаматтардың кірісінің көп бөлігі азық-түлік, киім-кешек және коммуналдық қызметтерге кетеді. Бағалардың өсуі, ең төменгі төлемнің тұрақтылығы және экономикалық тұрақсыздық азаматтардың өмір сапасын төмендетіп жатыр.
– Тұрғын үй-коммуналдық шаруашылыққа келсек, коммуналдық қызметтер орташа алғанда 25-пайызға қымбаттаған. Бұл жағдай азаматтардың шығынын арттырып, кірістерін төмендетіп жібергендігі анық. "Баға қайда кетіп барасың" деп жыламсырайтын жағдайға де жеттік! Ал еліміздегі ең төменгі төлем 85-мың теңгеден көтерілмей тұр. Бұл 1,8 млн адамның тұрмыс деңгейіне қатысты. Ең төменгі жалақыны көтеру – Үкіметтің басты міндеті, - деді ол.
