Қаржылық сауат

Несие алу оңай болмайды: шілдеден бастап жаңа ережелер күшіне енеді

07.03.2026

мин

0

790

Сурет: bcc.kz

Қазақстандықтар үшін несие алу тәртібі қатаңдайды, - деп хабарлайды Dauletten.kz. 

Қазақстанда 2026 жылғы 1 шілдеден бастап қарыз алушылардың төлем қабілетін бағалаудың жаңа тәсілдері қолданысқа енеді. Ұлттық банк төрағасы Тимур Сүлейменовтің айтуынша, орташа табысы бар қазақстандықтар бұрынғыдай несие ала алады, бірақ жаңа коэффициенттер ресми кіріске негізделеді.

Жаңа ТЖК (табысқа жүктеме коэффициенті) мен БЖК (борыш жүктемесі коэффициенті) азаматтың барлық несие төлемдері мен табысын салыстыра отырып, қарызды өтеу мүмкіндігін бағалайды. Бұл ресми табысы жоқ немесе өте төмен азаматтарға шамадан тыс несие берілмеу үшін қажет.

- Құжатқа тіркелген, МӘМС пен зейнетақы аударымдары жүргізілетін табыс болуы маңызды. Сол кезде банктер тұтынушылық, ипотекалық немесе автонесиелерді беру кезінде азаматтың тұрақты кірісі бар екенін көріп, несие береді. Ал қолма-қол табыс ресми көрсетілмесе, банктер несие беруге дайын болмайды, – деді Тимур Сүлейменов.

Жүйе орташа табысы бар азаматтардың несие алу мүмкіндігін сақтай отырып, қаржылық жауапкершілікті арттыруға бағытталған.

Қаржы мамандарының айтуынша, несие алу кейде ең оңай шешім болып көрінгенімен, оны өтеу әрдайым оңай бола бермейді. Сондықтан кез келген қарызды рәсімдемес бұрын өз табысыңызды, шығыныңызды және болашақтағы қаржылық мүмкіндіктеріңізді мұқият саралаған жөн.

Қаржылық қауіпсіздіктің ең дұрыс жолы — артық қарызға батпау, мүмкіндігінше шығынды жоспарлап, қажетсіз несиеден бас тарту. Себебі қаржылық тұрақтылық — әр отбасының тыныштығы мен сенімді болашағының кепілі.