|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Сенат депутаты Мұрат Бақтиярұлы Қазақстандағы ең төменгі жалақы мөлшерін қазіргі уақыттағы өмір сүру талаптарына сәйкестендіру керектігін айтты. Депутат өз сөзінде халықтың басым көпшілігі ақшаны азық-түлік өнімдеріне жұмсайтынын мәлімдеді. Елімізде жалақы мөлшері дамыған елдермен салыстырғанда айтарлықтай төмен, сондай-ақ өзге елде азық-түлікке жұмсалатын ақша 10 пайыздан аспайтынын алға тартты, деп хабарлайды Dauletten.kz сайты Sputnik Қазақстан-ға сілтеме жасап.
Оның айтуынша, елімізде ең төменгі жалақыны миллиондаған азамат алады. Бұл көрсеткіш елдегі орташа жалақының 19 пайызын ғана құраса, дамыған елдерде бұл 50%-ға тең.
"Еліміздегі ең төмен жалақы ЕАЭО-ға мүше Ресейден 34 мың, Беларусьтен 22 мың, Армениядан 13 мың, ал ТМД елдеріндегі Украинадан 35 мың, Молдовадан 25 мың, Әзербайжаннан 16 мың теңгеге төмен. Сондықтан, құрметті үкімет, біз барлығын түсінеміз. Десе де азаматтарымыздың өмір сүру деңгейі мен ең төменгі жалақыны қазіргі өмір сүру талаптарына сәйкестендіруді тез арада қолға алу керек деп санаймыз", - деді депутат сенаттың жалпы отырысында.
Сондай-ақ Мұрат Бақтиярұлы өткен жылы азық-түлік бағасының қымбаттауына байланысты азаматтар жалақысының басым бөлігін тамаққа жұмсағанын айтты.
"Ресей мен Беларусьте бұл көрсеткіш халық табысының үштен бірінен аспайды. Барлық табыс азық-түлік сатып алуға жұмсалып жатыр. Олардың өз жинағын арттыруға мүмкіндігі аз. Тұрмыс деңгейін жақсарту, негізінен, кредит алу есебінен қамтамасыз етіліп жатыр деген сөз. Халықтың қарызға батуы әлеуметтік проблемаларға әкеп соғуы мүмкін", - деп алаңдады сенатор.
Депутат Қазақстанда төменгі күнкөріс деңгейі мен ең төменгі жалақы қазіргі жағдайға сәйкес келмейтінін айтты.
Тағы көру
