Товарные рынки | ||
BID | ASK | |
Brent | 0.00 | 0.00 |
Лайт | 0.00 | 0.00 |
Тұтынушылық несие процентін 7-8 %-ке төмендету жайлы "Ақжол" фракциясының депутаттары ұсыныс айтты.
«Халықтың несиені кешіру жайлы өтініші орынды. Себебі карантинге байланысты халықтың басым көпшілігі жұмыссыз қалды. Әр сегізінші қазақстандықтың жағдайының төмендегенін байқауға болады. Бұл мұнай өндіретін ел үшін ұят. Азаматтардың кредиттік рақымшылыққа қатысты ойын түсінуге болады», - деді Азат Перуашев.
Дүнижүзілік банктің ақпаратына сүйенсек, елде кедейлік деңгейінен аса алмай жүрген азаматтардың саны 1,5 есе артып, 2,3 млн адамнан асқан.
Оның айтуынша, елімізде бұл мәселені шешпесек, алда кредиттік рақымшылық талқылана береді. Өткен жылы 160 млрд теңге көлемінде несие кешірілген болса, қазіргі кезде бұл жағдай ушығып тұр.
"Несиеге қатысты екі себепті атап өтсе болады. Біріншісі – банктер несие процентін негізсіз көтереді. Ұлттық банк пен қаржы нарығын реттеу агенттігі де базалық ставканы төмендетпей, жоғары проценттерді қолдап отырған көрінеді. Екіншісі – қаржы министрлігі азамттардың банкроттығы туралы заңды қабылдамай отыр. Бұл заң күшіне енсе, несиені төлей алмағандар баспанасын сақтай алады", - деп атап өтті Перуашев.
Депутаттар несиеге байланысты бірнеше мәселені шешуді талап етті. Олар:
"Бұл шараларды қолға алмасақ, халық арасынан несиені кешіру жайлы ұсыныс әдетке айналады. Қаржы жүйесі қиындыққа тап болып, несиесі бар азаматтар қарызды төлемеуге көшеді", - деді ол.
Дереккөз: Sputniknews.kz
Тағы көру