Жаңалықтар

Қазақстан армиясында сарбаздарға телефон қолдануға рұқсат берілді

23.04.2026

мин

0

251

Сурет: Өскен өңір

Енді мерзімді қызметтегі әскери қызметшілер белгіленген уақытта смартфон қолдана алады, — деп хабарлайды Dauletten.kz. 

Қазақстанда мерзімді әскери қызмет атқарып жүрген сарбаздарға смартфон пайдалануға рұқсат берілді. Бұл өзгеріс барлық әскери қызметшілерге қатысты.

Алайда жаңа тәртіп бойынша сарбаздар телефонды кез келген уақытта пайдалана алмайды. Әскери бөлімде арнайы уақыт белгіленеді, сол кезеңде ғана байланыс құралдарын қолдануға мүмкіндік беріледі.

Мұндай шектеу әскери тәртіп пен қауіпсіздік талаптарына байланысты енгізілген. Себебі сарбаздар оқу-жаттығуларда, атыс дайындықтарында немесе басқа да қызметтік міндеттерді орындау барысында байланысқа шыға алмауы мүмкін.

Әскери бөлім командирлері телефон қолдануға рұқсат етілетін нақты уақытты өздері белгілейді және бұл туралы сарбаздарға алдын ала хабарланады.