|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Құзырлы орган алаяқтардың iPhone иелерін нысанаға алған жаңа фишинг әрекеті туралы айтты, - деп хабарлайды Dauletten.kz.
Бас прокуратураның мәліметінше, соңғы уақытта алаяқтар Apple атынан жіберілетін жалған SMS және iMessage хабарламалары арқылы азаматтарды алдап жатыр.
Хабарламаларда көмескі түрде «iPhone табылды» деген ақпарат жазылып, құрылғының моделі мен түсі көрсетіледі.
Сілтеме басылған жағдайда қолданушы Apple Find My сервисіне ұқсатып жасалған фишингтік парақшаға түседі. Нәтижесінде Apple ID мен құпия деректер алаяқтардың қолына өтеді.
Ведомство мұндай сілтемелерді ашпауға, жеке мәліметті бөгде ресурстарға енгізбеуге кеңес береді. Сонымен қатар бөлек электронды пошта пайдалану, SIM-картаны PIN-кодпен қорғау және құрылғыны тек тек ресми icloud.com/find қызметі арқылы тексеру ұсынылады.
Құзырлы орган азаматтарды киберқауіптерден сақ болуға шақырды.
