|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Бірыңғай жинақтаушы зейнетақы қоры электронды үкімет порталы арқылы бір есепшоттың сомасы не себепті екі түрлі төлемді көрсететінін түсіндірді.
Ресми ақпаратқа сәйкес, egov.kz порталында «Бірыңғай жинақтаушы зейнетақы қоры салымшылары қаражаттарының түсімі мен қозғалысы туралы ақпарат беру» деген мемлекеттік қызмет бар. Сол қызмет арқылы салымшылар есепшоттағы жинақ сомасын біле алады. Сондай-ақ, Бірыңғай жинақтаушы зейнетақы қорының сайтынан немесе egov.kz веб-порталынан «Бірыңғай жинақтаушы зейнетақы қоры салымшысының зейнетақы жинақтарының жай-күйі туралы ақпарат» қызметі де жеке зейнетақы шотынан көшірмені алуға мүмкіндік береді.
«Аталмыш екі құжатта көрсетілетін сома екі түрлі. Бізге хабарласатын азаматтар осы мәселенің себебін түсіндіріп беруді сұрайды», - дейді БЖЗҚ қызметкерлері.
Айтуынша, алғашқы құжатта жұмыс берушілер аударған зейнетақы жарналары және өсімпұлдар көрсетіледі. Десек те бұл көшірмеде инвестициялық табыс туралы ақпарат болмайды. Ал БЖЗҚ беретін жеке зейнетақы шотынан алынған құжатта зейнетақы жарнасы, өсімпұл және инвестициялық табыс та есептеліп, толық көрсетіледі.
«Нәтижесінде, екі құжатты да алып, оларды салыстырып, әр салымшы инвестициялық кірістен құралған айырмашылықты көреді. Осы орайда салымшының зейнетақы жүйесінде, оның ішінде БЖЗҚ-да болған барлық уақыты үшін есептелген инвестициялық табыс мөлшері есептеледі. Сондай-ақ құжаттарда аударымдардың кезеңіне де мән берген жөн», - дейді мамандар.
Тағы көру
