|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
2025 жылдан бастап "Наурыз" бағдарламасына қатысу талабы өзгереді, - деп хабарлайды Dauletten.kz.
Бұл туралы "Отбасы банк" АҚ басқарма төрағасы Ләззат Ибрагимова Үкімет отырысында айтты.
Биыл "Наурыз" және "Отау" бағдарламалары қатар қосылды. Ақпаратқа сәйкес, Солтүстік Қазақстан, Павлодар, Қызылорда және Атырау облыстары бойынша тұрғын үй дефициті байқалады. Отбасы банк бұл келесі жылы да қайталануы мүмкін екенін айтты.
Келесі жылы "Наурыз" бағдарламасы бойынша 300 млрд теңге беріледі деп жоспарланып отыр.
Бағдарламаға жасалған талдау нәтижесі екі мәселені көрсетті.
Біріншіден, көптеген сатып алушы үйді дайын күйде алуды қалайды. Өйткені жөндеу жұмыстарына шығын көбейіп кетеді. Сондықтан банк Тұрғын үй құрылыс компанияларының қауымдастығымен бірқатар кездесу өткізді. Олар порталға пәтерлерді дайын күйінде қояды, сатып алушылар порталдағы пәтердің (бастапқы жарнаның) 10% салу арқылы (сатып алуға) келісім береді. Бұл өзгеріс 2025 жылдың 1 қаңтарынан енгізіледі, - деді спикер.
Банк осы мәселе бойынша тұрғын үй құрылыс компанияларының ассоциациясымен бірқатар кездесулер өткізген.
Екіншіден, бағдарламаға қатысушы үшін салымшыда депозитте 1 млн теңге болуға тиіс. Конкурста жеңген салымшы аз уақыт ішінде пәтердің 20%-ын салуға тиіс. Қазір 2,5 мыңнан астам өтініштің 39%-ында ғана 20% болатын жарна бар. Сондықтан 2025 жылы бағдарламаға қатысушылардың депозитін 2 млн теңге болуын ұсынамыз. Бұл бағдарламаны іске асыруды тездетеді, - деді Ләззат Ибрагимова.
