|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Ғашықтар күні қарсаңында интернет-дүкендер мен әлеуметтік желілерде түрлі акциялар мен жеңілдіктер көбейеді. Алайда Ішкі істер министрлігі осы кезеңде алаяқтардың да белсенді болатынын ескертіп, қазақстандықтарды онлайн сауда кезінде сақ болуға шақырды, - деп хабарлайды Dauletten.kz.
Ғашықтар күні қарсаңында қазақстандықтар жиі онлайн сатып алуларға жүгінеді. Ішкі істер министрлігінің мәліметінше, бұл кезеңде интернет-алаяқтар да белсенді әрекет етіп, жалған сайттар мен күмәнді парақшалар арқылы азаматтарды алдауға тырысады.
Министрлік мерекелік сатып алу кезінде қарапайым қауіпсіздік ережелерін сақтауды ұсынады:
Тауарды тек сенімді, ресми сайттар мен тексерілген маркетплейстер арқылы сатып алыңыз.
Әлеуметтік желілер мен мессенджерлердегі күмәнді сілтемелерге өтпеңіз.
Тым төмен баға ұсынылса, абай болыңыз — бұл алаяқтық белгісі болуы мүмкін.
Сатушыдан тауардың нақты бар екенін растауды сұраңыз және бейнеқоңырау арқылы өнімді, сондай-ақ дүкеннің нақты мекенжайын тексеріңіз.
Ақшаны жеке шоттарға немесе сенімсіз төлем жүйелеріне аудармаңыз.
Жеке деректеріңізді қорғаңыз: парольдер, SMS-кодтар, CVV-код және банк картасының толық мәліметін бөгде адамдарға бермеңіз.
ІІМ азаматтарға мереке кезінде қаржылық шығынға ұшырамау және көңіл күйді бұзбау үшін сақ болуды ескертті.
