|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
"7-20-25" және "Баспана Хит" бағдарламаларының жабылуы ипотекалық несиелендірудің қолжетімділігіне әсер етпейді. Мұндай мәлімдемені Ұлттық банк төрағасының орынбасары Берік Шолпанқұлов жасады.
Оның айтуынша, бүгінгі таңда "7-20-25" бағдарламасын жүзеге асыруға бөлінген 1 трлн теңгенің 333.3 млрд теңгесі игерілді.
«Жалпы, халықтың бұл бағдарламаға деген қызығушылығы туралы айтсақ, жоба іске қосылған алғашқы жылы 3 289 несие берілген (39,4 млрд теңге), ал 2019 жылы – 8 723 несие (99,1 млрд теңге), 2020 жылы – 10 207 несие (120,8 млрд теңге) рәсімделген. Ал, осы жылдың бес айы аралығында (қаңтар-мамыр) қазақстандықтар 73,9 млрд теңгеге 5 656 несие алған. Жалпы алғанда, осы уақытқа дейін бағдарлама бойынша 333,3 млрд теңге игерілді. Халықтың жоғары сұранысы мен ипотекалық несиенің қарқынына қарап, біз «7-20-25» бағдарламасы 2022 жылдың соңына дейін, яғни бөлінген лимит таусылған соң аяқталады деп болжап отырмыз»,- деп атап өтті Ұлттық Банкте
"Баспана Хит" бағдарламасына келетін болсақ, жобаны іске асыруға 600 млрд теңге бөлінген. Соның ішінде 520,8 млрд теңгені құрайтын 56 752 қарыз берілген.
«Бағдарлама «айналмалы» тетік арқылы, яғни, қаржыландырудың ортақ сомасы алдында жабылған қарыз есебінен көбейетінін ескере келе, біз несиелендірудің жалпы көлемі 675 млрд теңге болады деп болжап отырмыз. Қаржының белсенді түрде игеріліп жатқан ескере отыра, «Баспана хит» ипотекалық жобасы 2021 жылы аяқталады деген болжам бар», - делінген хабарламада.
Үлттық банкте аталмыш бағдарламалар жабылғанымен, мемлекет тарапынан баспана алуға бағытталған көптеген жобаны жүзеге асырылып жатқанын алға тартты.
Мысалы, «Нұрлы жер» бағдарламасының аясында 25 жылға дейін 5% жеңілдікпен (бастапқы жарна 20% кем болмаған жағдайда – «5-20-25») жергілікті атқарушы органдар (ЖАО) тарапынан әлеуметтік несие беріледі. 2019 жылы әлеуметтік тұрғыдан аз қамтылған отбасыларға арналған бастапқы жарнасы 10%, жеңілдетілген мөлшерлемесі 2% «Бақытты отбасы» бағдарламасы басталған болатын. Мемлекет басшысы Қ.К.Тоқаевтың тапсырмасы бойынша іске қосылған «Шаңырақ» (5-10-20) атты әлеуметтік тұрғыдан аз қамтылған халық тобына арналған жоба жүзеге асырылып жатыр. Бұл бағдарлама арқылы 20 жылға дейінгі мерзімге 5% жеңілдетілген мөлшерлемемен баспана алуға болады. Айта кетейін, Ұлттық Банк осы жобаны жүзеге асыруға қатысып, «5-10-20» жобасы бойынша «Отбасы банкі» арқылы кезекте тұрған адамдарға несие беруге 210 млрд теңге қаржы, ал ЖАО арқылы несиемен алынатын баспана құрылысына 180 млрд теңге бөлді.
Қазіргі таңда «Отбасы банкінің» тұрғын-үй құрылыс жинақ жүйесі арқылы да ипотекалық несиелендіру белсенді түрде жүзеге асып жатыр. Банк халыққа ипотекалық несиелендірудің үлкен таңдауын ұсынып отыр. Мысалы, жас отбасылар жылына 6% мөлшерлемемен «Жас отбасы» бағдарламасы арқылы баспаналы бола алады. Ал, әскери қызметкерлер «Әскери баспана» бағдарламасымен 3,5%-8% аралығы мөлшерлемемен (бастапқы жарнаның сомасына байланысты) үй сатып ала алады. Сонымен қатар, жуырда мөлшерлемесі 12% «Ұмай» атты әйелдер ипотекалық бағдарламасы іске қосылды.
Тағы көру
