Жаңалықтар

Әлеуметтік төлемдер қайта қаралады: үнемделген қаржы қайда жұмсалады?

26.06.2026

мин

0

191

Сурет: BAQ.kz

Үкімет 2027 жылдан бастап әлеуметтік төлемдерді қайта қарап, бюджет шығыстарын оңтайландыруды жоспарлап отыр. Үнемделген қаржы әлеуметтік саладан қысқартылмай, білім, денсаулық сақтау, ғылым және мәдениетке бағытталмақ, — деп хабарлайды Dauletten.kz. 

Қазақстанда әлеуметтік төлемдер жүйесін жетілдіру мәселесі қарастырылып жатыр. Үкіметтің мәліметінше, бүгінде республикалық бюджет шығыстарының жартысынан астамы әлеуметтік міндеттемелерді орындауға жұмсалады. Соңғы алты жылда бұл бағыттағы шығын көлемі екі есеге жуық өсіп, 6,7 трлн теңгеге жеткен.

Жоспарға сәйкес, 2027 жылдан бастап әлеуметтік қолдау тетіктері қайта қаралады. Соның нәтижесінде шамамен 860 млрд теңгені үнемдеу көзделіп отыр. Бұл қаражат білім беру, денсаулық сақтау, ғылым, мәдениет және басқа да стратегиялық маңызды салаларды дамытуға бағытталмақ.

Министрдің айтуынша, өзгерістердің басты мақсаты – мемлекеттік көмекті нақты мұқтаж азаматтарға жеткізу. Сонымен қатар үнемделген қаржы адам капиталын дамытуға және халықты ұзақ мерзімді жұмыспен қамтуға жұмсалады.

Билік бұл бастама бюджет тапшылығын азайтып, мемлекеттік қарыздың өсу қарқынын тежеуге де мүмкіндік береді деп есептейді.