|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Төтенше жағдайлар департаментінің өртке қарсы қызметі "Алматы-2" темір жол вокзалында тұтанған өртті сөндірді, деп хабарлайды Dauletten.kz.
Өрт туралы ақпарат кезекші бөлімге 14:08-де келіп түскен.
"Жетісу ауданы, Абылайхан даңғылы, 1, "Алматы-2" темір жол вокзалы ғимаратында төбе жабынының өртенуі туралы хабарлама келіп түсті", – деді Төтенше жағдайлар министрлігінің өкілдері.
Жалынды ауыздықтау үшін 43 қызметкер мен 14 бірлік техника жұмылдырылған. Жалын ғимарат шатырының 100 шаршы метрін шарпыған. Өрт кезінде адамдар өз беттерінше сыртқа шыққан.
"Зардап шеккендер жоқ. 14:30-да өрт ауыздықталды, 14:50-де толығымен сөндірілді", – деп қосты министрлік өкілдері.
Қазір вокзал қалыпты режимде жұмыс істеп тұр. Пойыздар кешіктірілген жоқ.
