|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстанда жыл басынан бері 20 атыс және травматикалық қару тәркіленді, оның төртеуі Қаңтар оқиғасы кезінде жоғалған қарулар. Сонымен қатар, 6 граната және 150-ден астам түрлі оқ-дәрі табылды, - деп хабарлайды Dauletten.kz Polisia.kz-ке сілтеме жасап.
Мысалы, Алматыда ұйымдасқан қылмысқа қарсы күрес басқармасы тергеу изоляторы қызметкерлерімен бірге Түрксіб ауданында қару-жарақ жасырылған орынды анықтады. Онда 3 шолақ мылтық, 3 тапанша, 4 граната, шамамен 50 патрон, және Қаңтар оқиғасы кезінде ұрланған карабин тәркіленді.
Таразда 2 шолақ мылтық пен ұрланған жауынгерлік арбалет табылса, Ақтөбеде 56 патроны бар ТОЗ винтовкасы мен Ф-1 гранатасы тәркіленді.
Алматы облысында 2 қару, РГД-5 гранатасы, Калашников автоматының 20 патроны, және Қаңтар оқиғасы кезінде ұрланған 2 Макаров тапаншасы анықталды. Талдықорғанда жергілікті тұрғынның автокөлігінен 5 травматикалық тапанша табылды.
ІІМ мәліметінше, соңғы екі жылда ұйымдасқан қылмысқа қарсы күрес бөлімдері заңсыз айналымнан 1000-нан астам қару-жарақ тәркіледі. Оның ішінде Қаңтар оқиғасы кезінде ұрланған 130 қару бар. Бұл бағыттағы жұмыс ерекше бақылауда, деп мәлімдеді департамент өкілі Қуандық Алпыс.
