|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Алматы әкімі Ерболат Досаев метродағы көру қабілеті бойынша мүгедектігі бар жас жігіттің рельске құлап, қайтыс болған төтенше жағдайға қатысты пікір білдірді, - деп хабарлайды Dauletten.kz.
СКО-да өткен брифинг барысында журналистер әкімнен Алматы метросында болған төтенше жағдайдан кейін қандай шаралар қабылданатынын сұрады.
- Бұл оқиға бәріміздің жүрегімізді ауыртты. Біріншіден, мен марқұмның отбасына шын жүректен көңіл айтамын. Оқиға орнында көптеген адамдар, жас жігіттер болған. Егер біреу дер кезінде көмек қолын созғанда, трагедияның алдын алуға болар ма еді. Біз бәріміз Алматыда тұрамыз, бұл – біздің ортақ үйіміз. Осындай жағдайларда бейжай қалмай, әрдайым көмек көрсету маңызды, – деді Досаев.
Сонымен қатар, әкім қазіргі қалалық инфрақұрылым инклюзивті Алматы құруға қажетті барлық стандарттарға сай еместігін атап өтті.
- Метроның ішінде болған жағдайға қатысты, видеохроника бәрін дәлелдеп отыр. Кінәлілік, кінәсіздік мәселесі бойынша қызметтік тергеу жүргізіледі. Полиция департаменті де өз тексеруін жүргізуде. Межвагондық кеңістікті жабу үшін платформалық турникеттер орнатылады. Бұл мәселе тек инклюзияға ғана емес, сонымен бірге балаларымыздың қауіпсіздігіне де қатысты. Бұл жұмыстар 2025 жылдың басында жүзеге асырылады. Жаңа метро станцияларын жобалау кезінде бұл нормалар міндетті болып табылады, – деп түсіндірді әкім.
