Жаңалықтар

Алматы тұрғыны техникаларды тегін жөндеп, мұқтаж жандарға таратады

31.05.2023

2 мин

0

498

Алматылық азамат  Равиль Сафиулин компьютерлер мен ноутбукті тегін жөндеп, мұқтаж жандарға таратумен айналысады. Еуразия арнасының айтуынша, қайырымды жанның әрекетіне риза болған тұрғындар Равильдің ісін көпішілікке көрсетуді өтінген, деп хабарлайды Dauletten.kz Еуразия арнасына сілтеме жасап.

Равильдің жұбайы Лариса, «біреуге көмек қолын созу үшін, өте бай немесе үлкен компанияңның болуы міндет емес, өзіңде бар нәрсемен-ақ, тіпті бір тілім нанмен де көмектесе беруге болады», - дейді. 

Ақпаратқа сүйенсек, Равиль отбасымен Алматыда пәтер жалдап тұрады. Денсаулығына байланысты тұрақты жұмысы жоқ, тек қолы босағанда мұқтаж жандардың компьютерін тегін жасаумен немесе істен шыққан техниканы қалпына келтіріп таратумен айналысады. Ал әйелі кәріс салатын жасап сатады. 

«Ең алғаш онкологиямен ауырған кішкентай қызға ноутбук сыйладым», - дейді Равиль. Осыдан бастап жалғыз басты көпбалалы аналарға, мұқтаж жандар мен мүгедек балаларға көмектесуді қолға алған екен.

фото: Еуразия арнасының сюжетінен алынған