Жаңалықтар

Алматыдағы аналардың шағымы: ұлдарының әскерге мәжбүрлеп шақырылуына наразы

26.11.2025

мин

0

39

Сурет: Kursiv.kz

Жас жігіттердің жоғалуына байланысты аналар әскери комиссариатқа шағымдануда, - деп хабарлайды Dauletten.kz. 

Алматы тұрғындары әлеуметтік желілерде жас жігіттердің көшеден әскерге шақырылып әкетілетіні туралы жазуда. Автордың айтуынша танысының 19 жастағы ұлы жоғалып кеткен. 

Анасы оны ауруханалар мен мәйітханалардан іздеп, полицияға арыз жазған. Күдік бойынша, жас жігітті «военкоматқа» алып кеткен болуы мүмкін.

Бостандық аудандық әскери комиссариатының алдында ұлдарын іздеген ата-аналар жиналған. Кейбірі бірнеше тәулік бойы жауап күтіп отыр. Желіде жазылғандарға қарағанда, кейбір жастар туыстарымен сөйлесуге мүмкіндік алмайды, қайда және тірі ме деген ақпарат та берілмейді.

Жазба авторы танысының ұлы бұған дейін оқуынан академиялық демалыс алғанын және әскери комиссариатқа барғанын айтады. Жігіт шекара қызметінде қызмет еткісі келген, бірақ салмағы жетпегендіктен қабылданбаған, кейін салмақ жинауға уақыт берілген.

Бұған дейін де ұқсас оқиғалар тіркелген. Мысалы, Медеу ауданында азаматтық киімдегі бір адам жақындап амандасқаннан кейін, шағын автобустан әскери формадағы екі адам шыққаны хабарланған.

Қорғаныс министрлігі бұған дейін қоғамдық орындардан немесе ЖОО-лардан азаматтарды мәжбүрлеп әкелуге толық тыйым салынғанын мәлімдеген. 

Мұндай әрекеттер тек ішкі істер органдарына қатысты. Әскерге шақырылушылар заңға сәйкес хабарланады. Министрлік заңсыз әрекеттерге қатысты барлық фактілерді тексеріп жатқанын хабарлады.

Кей сағаттан кейін жазба авторы ұлын тірі көргенін айтты. Дегенмен, баланы тек бұйрыққа қол қойғанша телефонға шығарып бермей, ата-аналарға толық ақпарат бермейтінін атап өткен.