USD
EUR
RUB
Brent мұнайы
WTI мұнайы
Нұр-Сұлтан
Нұр-Сұлтан
Алматы
Ақтау
Ақтөбе
Атырау
Қарағанды
Көкшетау
Қостанай
Қызылорда
Павлодар
Семей
Петропавл
Талдықорған
Тараз
Шымкент
Орал
Өскемен
CNY
MNT
KGS
UZS
TRY
Сіздің ұсынысыңыз сәтті жіберілді, Рахмет!
Жаңалықтар

Алты ай төлемақы алуға болады: жұмыссыз қалғанда қайда жүгіну керек

27.10.2021
1 мин
14
5132
Алты ай төлемақы алуға болады: жұмыссыз қалғанда қайда жүгіну керек

Бүгінде жұмыс істейтін қазақстандықтар алатын жалақының 3,5 проценті мемлекеттік әлеуметтік сақтандыру қорына аударылып отырады. Оны жұмыс беруші өз ақшасынан төлейді.

Міндетті әлеуметтік сақтандыру заңнамасына сәйкес, адам жұмысынан айырылып қалса, қордың есебінен әлеуметтік төлемдер жасалады. Sputnik Қазақстан жұмыссыздарға берілетін төлемақыны алу тәртібін ұсынады

Әлеуметтік төлем ұзақ төлене ме

Заң бойынша жұмыстан босатылған адамдарға міндетті әлеуметтік сақтандыру қорынан 1 айдан 6 айға дейін әлеуметтік төлем тағайындалады. Оның мөлшері сақтандыру жүйесіне қатысу өтіліне және соңғы екі жылдағы табысына байланысты болады. Бірақ жоғалған кірістің 40 процентінен кем болмауы тиіс.

Мысалы, жұмыссыз қалған адамның жалақысы 150 мың теңге, ал сақтандыру қорына аударымдар 10 жыл бойы жасалса, онда оған жұмыссыз адам ретінде ай сайын 66 000 теңгеге дейін әлеуметтік төлем жасалады.

Әлеуметтік төлем алу үшін не істеу керек

Бүгінде жұмыссыз адам ретінде тіркелу үшін электронды үкімет порталын пайдалануға болады.

  • eGov.kz порталында авторизация жасау;
  • "Жұмысқа орналастыру және жұмыспен қамту" бөлімінде "Жұмыс іздеуші адамдарды тіркеу" қызметін таңдау;
  • онлайн қызметке тапсырыс беріп, барлық бағанды толтыру және оған ЭЦҚ-мен қол қойып, өтінімді жіберу қажет.

Бұдан бөлек, жұмыспен қамту орталығына немесе халыққа қызмет көрсету орталығына барып, тіркеуге тұруға мүмкіндік бар.

Жұмыстан бас тартуға болмайды

Әлеуметтік төлемді тағайындаудың тағы бір шарты бар. Оған сәйкес, халықты жұмыспен қамту орталығы бір күн ішінде адамның тұрғылықты жері бойынша бос жұмыс орындарын ұсынуы мүмкін. Одан бас тартуға болмайды.

Ал жұмыс табылмаса, үш жұмыс күні ішінде қашықтан жұмыссыз мәртебесі беріледі. Халықты жұмыспен қамту орталығының мамандары хабарласып, қосымша ақпарат сұрауы мүмкін.

Осы қызметті онлайн режимде электронды еңбек биржасы (enbek.kz) арқылы алуға да болады. Еңбек министрлігінің ақпараттық жүйесі проактивті форматта мемлекеттік әлеуметтік сақтандыру қорынан төлем тағайындау бойынша қызмет көрсетуге келісу үшін ұялы телефонға SMS жібереді. Жұмыссыз адам келіскен жағдайда SMS-хабарламаға жауап беруі қажет. Төлем автоматты түрде тағайындалады.

Қандай құжаттар ұсынылады

Қажетті құжаттар:

  • Жеке куәлік;
  • Өтініш;
  • Банктегі есеп-шоттың нөмірі.

Ал мемлекеттік әлеуметтік сақтандыру қорына адамның жұмысқа тұрғаны туралы мәлімет түскен бойда төлем жасау тоқтатылады. Сондай-ақ, бірнеше жағдай ескеріледі.

Олар:

  • төлем алушының қайтыс болуы;
  • зейнеткерлікке шығу;
  • әлеуметтік төлемді тоқтатуға өтініш беру;
  • жұмыспен қамту орталығында жұмыссыздар тізімінен шығу;
  • жалған ақпарат беру.

Жұмыссыз ретінде тіркелген адам жалған ақпарат беріп, әлеуметтік төлемді алса, оны қайтаруға тура келеді.

Қанша адам төлем алды

Еңбек және халықты әлеуметтік қорғау министрлігінің мәліметіне сәйкес, биыл 1 қыркүйекке дейін 58,8 мың адамға алғаш рет жұмысынан айырылуына байланысты әлеуметтік төлем тағайындалды. Жалпы, мемлекеттік әлеуметтік сақтандыру қорынан жұмысынан айырылуына байланысты әлеуметтік төлем алушылардың саны 82,6 мың адамға жеткен.

Бұдан бөлек, электронды еңбек биржасы арқылы мыңдаған адам тұрақты жұмыспен қамтылды. Сондай-ақ мемлекет субсидиялайтын жұмыс орындарына (жастар практикасы, қоғамдық жұмыстар, әлеуметтік жұмыс орындары) тұрғандар аз емес.

Айта кетері, былтыр жұмыссыздарды тіркеу рәсімдерін жеңілдету және жұмыспен қамтуды қолдауды жеңілдету үшін электрондық еңбек биржасын сынақтан өткізді. Биыл мамырдан бастап осы қызмет барлық қазақстандыққа қолжетімді.

 

Депозитке ай сайын ақша салып тұрасыз ба?
2905 адам
Иә 0%
Жоқ 0%
Кейде 0%
14 Пікір
Қарлығаш
Депозит ке ақша саламын кейде ауыспай қалады айлығым
Жауап беру
Жабу
Қарлығаш
Депозит ке ақша саламын кейде ауыспай қалады айлығым
Жауап беру
Жабу
Багила
Мен гпх мен фельдершер қызметінде жұмыс істеп, қараша айынан бастап қысқартылып қалдым. Маған қандай төлем төленеді?
Жауап беру
Жабу
Күлшат
вакцина болмаса жұмысқа алмайды ғо
Жауап беру
Жабу
Лида
Жумыссызбын
Жауап беру
Жабу
Жұмаділә
Мен вахтада жұмыс жасаймын Алматы каласын да қазір ауырып жатыр едім қандай көмек бере аласыз дар
Жауап беру
Жабу
Мухаббат
Мен кезекте турамын . Бырақ атымызға 2 жыл бурын досымыздың уйнин 2 айда қайта өз аттарына аударды . Калай алуға болады?
Жауап беру
Жабу
Гульжазира
Счетим арестте тур
Жауап беру
Жабу
Асем
Ақша жетпейді
Жауап беру
Жабу
Жанар
Көп рахмет өте пайдалы кеңес
Жауап беру
Жабу
Мейрамкуль
Менын сынылым де жумыссыз калып еды 4 ай 3000 мыннан гана алды
Жауап беру
Жабу
Бағлан
Алла қаласа Нұрсұлтан қаласынан,Трюмфалный районе үй аламын!
Жауап беру
Жабу
Бағлан
Раяна
Аумин ИншАлла Алла нәсіп етсін!
Жауап беру
Жабу
Назбиби
Менің жолдасым жұмыстан шығып қалға ала алама осы жәрдемді.. Кв жалдап турамыз.
Жауап беру
Жабу
Тағы көру
Қазір желіде отырғандар
Көп оқылған мақалалар
  • тәулік
  • апта
  • ай
  • жыл