|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Танымал PR маманы әрі блогер Әлішер Елікбаев TikTok-та жариялаған влогында Шпекбаевтың бейнежазбаға түсіп қалғанын көрсетті. Видеода блогер қазақстандықтардың Сингапурдағы үйлену тойына барғанын және бұл шараға жұбайымен бірге қатысқанын баяндайды, - деп хабарлайды Dauletten.kz.
Шпекбаев жастарды қарсы алу рәсімі кезінде кадрға ілінген.
Айта кетейік, 2018 жылы ол шенеуніктердің сән-салтанатты тойларын сынап, қарапайымдық пен кішіпейілділікті сақтау қажеттігін атап өткен болатын.
— Әлеуметтік желілерде кең көлемде және даңғазалықпен өткен үйлену тойларынан бейнежазбалар жиі тарайды. Зал толы гүлдер, шоу-бизнес жұлдыздары сахнада, 500-600 қонақ. Кейін бұл шараны ұйымдастырған облыстық басқарма басшысы немесе мемлекеттік қызметкер екені анықталып жатады. Мұндай үрдіс кең етек жайды. Осы бейнежазбалар қоғамда көптеген сұрақтар туындатады, олардың ішіндегі ең өзектісі – «Бұл қаржы қайдан келген?». Тағы бір маңызды мәселе – қарапайым мемлекеттік қызметшілер де басшыларынан қалыспай, мүмкіндіктеріне қарай дүркіретіп той өткізуге ұмтылады. Бұл жағдай басқару моделіне де, құндылықтарға да оң әсер етпейді, керісінше, даңғойлықтың көрінісіне айналады, — деп жазған еді Шпекбаев Facebook-та.
Соңғы мәліметтерге сәйкес, Алик Шпекбаев 2023 жылы наурызда құрылған сыбайлас жемқорлыққа қарсы ұлттық желіні басқарып отыр.
