|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Ақтөбеде полиция қызметкері қызметтік қарудан танысын жаралады. Жарақат алған адам ауруханаға жеткізілді, – деп хабарлайды Dauletten.kz.
Оқиға 25 наурызға қараған түні болған. Ақтөбе облыстық Полиция департаментінің мәліметінше, құқық қорғау органы қызметкері қауіпсіздік ережелерін бұзып, абайсызда оқ атқан.
- Салдарынан оның танысы жарақат алды. Бұл факті бойынша Қылмыстық кодекстің 371-бабы (“Салғырттық”) бойынша сотқа дейінгі тергеу басталды. Оқиғаның барлық мән-жайы анықталуда, – деп хабарлады ведомство.
Полиция қызметкері қызметтік міндетінен уақытша шеттетілді, ал тергеу барысы облыстық Полиция департаментінің бақылауында.
Қалалық денсаулық сақтау басқармасының мәліметінше, жәбірленушінің жағдайы тұрақты, ол ауруханада ем алуда.
- Науқас 25 наурызда оқ жарақатымен түсті. Оған алғашқы хирургиялық көмек көрсетілді, – деп мәлімдеді Денсаулық сақтау басқармасы.
