|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстанда “Smart военкомат” жобасы толық іске қосылып, әскерге шақыру және әскери есепке алу процесі түбегейлі автоматтандырылды, - деп хабарлайды Dauletten.kz.
Бұл туралы Қорғаныс министрінің орынбасары Дархан Ахмедиев мәлімдеді.
Енді 17 жастан 63 жасқа дейінгі барлық ер азаматтардың деректері бір орталық базада сақталады. Алғашқы тіркеу автоматты түрде жүргізіледі, азамат ақпаратты Egov жеке кабинетінен көре алады.
Бұрын мектептен автобуспен военкоматқа апарылып, түрлі анықтамалар жинау қажет болса, енді бұл процедура толығымен жойылды.
Жаңа жүйе арқылы әскерге шақыру қағаздары SMS арқылы жіберіледі. Соның арқасында бұрын босатылу құқығын дәлелдеу үшін военкоматқа баруға тиіс болған 1 миллионнан астам азамат енді ешқайда бармайды.
Мекенжай өзгерсе, әскери есеп автоматты түрде жаңартылады. Жұмысқа орналасу кезінде анықтамаларды алу да электронды форматқа өтті.
Кадр бөлімдері Smart военкоматқа тікелей қол жеткізе алады, мемлекеттік қызмет үшін – e-Қызмет, жеке сектор үшін – e-Еңбек жүйесі қолданылады.
Министр орынбасарының айтуынша, бұл жобаның арқасында 1 миллиард теңгеден астам бюджет қаражаты үнемделді және көптеген артық рәсімдер жойылды.
- Жүйе азаматтардың да, военкомат қызметкерлерінің де уақытын үнемдеп отыр”– деді Дархан Ахмедиев.
