|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Астанада қызылша жұқтырғандардың 68 пайызы ауруға қарсы екпе алмаған. Бұл туралы Орталық коммуникациялар қызметінде өткен брифингте Астана қаласының бас мемлекеттік санитариялық дәрігері Сархат Бейсенова айтты.
«Елордада қызылша ауруының тіркелуі әлі де жалғасуда. Қаңтар айының басынан бастап елордада қызылшаның 1 890 бастапқы және 532 расталған жағдайы тіркелді. Оның ішінде 14 жасқа дейінгі балалар арасында – 381 жағдай. Елордада инфекцияның таралуын қызылшаға қарсы екпе алмаған адамдар жалғастыруда. Сырқаттанғандардың 68 пайызын осы кісілер құрайды», - деді ол.
Дәрігер желтоқсан айымен салыстырғанда балалар арасында сырқаттанушылықтың бір жасқа дейін, бір жас және 2 жастағы балалар арасында төмендеуі байқалатынын тілге тиек етті.
«Мәселен, 1 жасқа дейінгі ауырған балалардың қарқынды көрсеткіші 692,7-ден 589,4-ке дейін немесе 15 пайызға, бір жастағы балаларда 880,2-ден 805,3-ке дейін немесе 8,5 пайызға және 2 жастағы балаларда 701,6-дан 551,9-ға дейін немесе 21,3 пайызға төмендеді. Көрсетілген жастағы сырқаттанудың төмендеуі – бұл қосымша жаппай иммундаудың нәтижесі. Алайда, ересектер арасында сырқаттанушылықтың өсуі байқалады. Қарқынды көрсеткіш 25,2-ден 40,2-ге дейін немесе 37,3 пайызға артты», - деді Сархат Бейсенова.
