Азаматтарға 42 500 теңге тағы төлене ме?

Еңбек және әлеуметтік қорғау министрлігі 42 500 теңге көлемінде қайта төлем жасау мүмкіндігі туралы түсінік берді, деп хабарлайды LS.

Ресми жауап ретінде ведомство өкілдері шектеуге байланысты бизнес саласын қолдау ретінде жеңілдіктер ұсынылғанын алға тартты.

«Елімізді қабылданған шектеулерге байланысты кәсіпкерлікті қолдау мақсатында салықтық және есептілік тапсыру барысында жеңілдіктер көрсетілуде. Бүгінгі таңда 42 500 теңгені қайта төлеу мәселесі қарасырылып жатқан жоқ", – деп хабарлады Еңбек министрлігі.

Сондай-ақ, ведомствода аталмыш әлеуметтік көмек төтенше жағдай кезінде табысынан айырылған азаматтарға мемлекеттік әлеуметтік сақтандыру қорының қаражаты есебінен төленгенін атап өтті.

"Бұл жұмыс істейтін азаматтарды қолдаудың бұрын-соңды болмаған шарасы болды. Төлемді жалпы сомасы 476,3 млрд теңгеге 4,6 млн-нан астам адам алды", - деп түйіндеді министрлік өкілдері.