|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
ҚР Сауда және интеграция министрі Арман Шаққалиев Үкімет отырысында әлеуметтік маңызы бар азық-түлік тауарларының (ӘМАТ) бағасын тұрақтандыру шаралары туралы баяндады, - деп хабарлайды Dauletten.kz.
Министрдің айтуынша, ӘМАТ бағасын бақылау бойынша тұрақты жұмыс жүргізілуде. Апта сайын кеңестер өткізіліп, әр өңір мен тауар санатындағы мәселелер жедел шешіліп отыр.
Жыл басынан бері әлеуметтік маңызы бар азық-түлік бағасының индексі 100,8%-ды құраса, тамызда өсім байқалмады, ал қыркүйектің алғашқы үш аптасында 0,1% деңгейінде тіркелді.
- Көкөніс бағасы тамыздан бері орта есеппен 2,5 есе төмендеді. Жыл соңына дейін тұз, жұмыртқа, картоп және күнбағыс майы бойынша отандық өндірушілермен баға белгілеу жөнінде меморандумдарға қол қойылды. Макарон, ұн және күріш бағасы да төмендеу үрдісін көрсетіп отыр, – деді Арман Шаққалиев.
Ішкі нарықты толықтыру мақсатында биылғы 15 мамырдан бастап тірі малды әкетуге тыйым салынды. Сонымен қатар, ет экспортына квота тек ет өңдеуші кәсіпорындарға берілмек. Сауда желілері мен фермерлер арасында сиыр етін жеткізу бойынша келісімдер жасалды.
Бақылау шаралары барысында делдалдық схемалар анықталып, тиімсіз делдалдар нарықтан шығарылып жатыр.
