Жаңалықтар

«Бала-шағамен Солтүстікке» қайырымдылық жобасы басталды

05.04.2022

1 мин

1

3722

Танымал блогер, экономист, журналист Дәулет Төлеутайұлының бастамасымен «Dauletten» қайырымдылық қорының ұйымдастыруымен қасиетті Рамазан айында «БАЛА-ШАҒАМЕН СОЛТҮСТІККЕ» қайырымдылық жобасы бастау алды. Жоба аясында кезекті 5 отбасын еліміздің солтүстігіне қоныстандыру жоспарланған. Отбасыларға баспана, балаларды мектепке орналастыру және кәсіп бастауға 1 миллион теңге қайтарымсыз қаражат беріледі.

Қор тарапынан қайырымдылық жоба қатысушыларына баспанадан бөлек төмендегідей көмек беріледі:

• Ауылдан үй алынады;
• Жарты жыл көлемінде 60 000 теңге төленіп отырады;
• Кәсіп бастауға қор тарапынан 1 000 000 теңге беріледі;
• Оқушы балалардың ЖАҢА оқу жылына мектеп құрал-жабдықтары алынады;
• Үйінің ауласына картоп, сәбіз, орамжапырақ егуге бір реттік дәні (семена) алынады;
• Қыс басталғанда бірінші жылы 8-10 тонна көмір беріледі;
• Көшу, жол шығындары толығымен қор тарапынан төленеді;

Көшкен ауылда 3 жыл тұратын болса, үй атына аударылады. Оған дейін баспана қордың жеке меншігінде болады.

Сауалнама арнайы баллдық шкаламен есептеледі. Мысалы, әр бала санына +1 балл, жоғары білімге +1 балл, орта кәсіптік білімге +0,5 балл, жолдасы (жұбайы болса) +1 балл және т.б. Өтінім 15-сәуірде аяқталып, жеңімпаздарға мамыр айында баспана кілті табысталады.

Өтініш беру үшін