|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Балиде қауіпті жанартау атқылап, рейстер тоқтатылды, - деп хабарлайды Dauletten.kz.
BBC мәліметіне сүйенсек, Qantas, Jetstar және Virgin Australia компаниялары сәрсенбіде жолаушыларға рейстердің тоқтатылғанын хабарлап, Левотоби Лаки-Лаки жанартауынан тараған күлдің ұшуға қауіп төндіретінін айтты. Jetstar барлық рейсті бейсенбі сағат 12:00-ге дейін тоқтатты. Сонымен бірге, Cathay Pacific, IndiGo және AirAsia да өз рейстерін кейінге шегерді.
Virgin Australia да барлық Бали бағытындағы рейсті тоқтатты. Компания өкілінің айтуынша, олардың басты ұстанымы — қауіпсіздік. Singapore Airlines және оның Scoot филиалы да кейбір рейстерін тоқтатты.
Бали халықаралық әуежайының бас менеджері Ахмад Шауги Шахаб сейсенбі күні 22 халықаралық және 12 ішкі рейс тоқтатылғанын хабарлады, алайда сәрсенбі күнгі рейстерге қатысты мәлімет берілмеді.
Жанартаудан аспанға тараған күл Индонезиядағы басқа шараларға да әсер етті. Левотоби Лаки-Лаки жанартауынан 600 шақырым жерде орналасқан Лабуан Баджо қаласындағы джаз фестивалі келесі жылға шегерілді.
