|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Мемлекет басшысы 2020 жылы 1 қыркүйектегі жолдау барысында арендалық төлемді субсидиялау тетігін енгізу туралы тапсырма берген. Осы орайда, "Бәйтерек" холдингі пәтер жалдау бағасының 80%-ін мемлекет тарапынан өтеу қашан енізілетінін хабарлады.
Холдинг орынбасары Әнуар Омарқожаев елімізде үй кезегінде тұрған 548 мың азаматтың арасында 195 мың адамның табыс мөлшері күнкөріс деңгейінен аз екенін атап өтті. Олардың қатарында көпбалалы отбасылар, жетімдер мен мүмкіндігі шектеулі жандар бар. Азаматтардың табыс көзі аз болғандықтан, ипотеканы төлеу мүмкіндігі төмен. Сол себепті бұл санаттағы адамдарға баспананы жалға алу ақысы мемлекет тарапынан төленетін болады.
«Қазіргі кезде Қазақстанның тұрғын үй компаниясы жекеменшік құрылыс компанияларымен келісім жасайды. Арнайы жалға берілетін түрғын үйлердің тізімі жасалады және азаматтардың жағдайы бойынша үлестіріледі", - деді ол.
Азаматтарға берілетін үйлердің тізімі дайындалып, «Отбасы банкі» тарапынан жалдау ақысының 80%-не дейін аудырылып отырады. Мемлекет басшысының тапсырмасын орындау үшін бірнеше заңға өзгеріс енгізу керек. Жобаны дайындау жұмыстары осы жылдың аяғына дейін іске асады деген жоспар бар.
Тағы көру
