Товарные рынки | ||
BID | ASK | |
Brent | 0.00 | 0.00 |
Лайт | 0.00 | 0.00 |
Қазақстанда жастардың ұлғаюына байланысты жеңілдікпен жалға берілетін тұрғын үй бағдарламасына өзгерістер енгізу қарастырылып жатыр. Бұл туралы ҚР Ақпарат және қоғамдық даму вице–министрі Данияр Қадыров мәлім етті.
«Жастар санатына кіретіндер 29-дан 35 жасқа дейін ұлғайтылғаны белгілі. Аталған санатты өзгерткенге дейін елімізде 3,7 млн жас болса, ұзартылғаннан кейін олардың саны 5,8 млн-ға жетті. Демек жастар саясатының аясы да кеңейе түспек. Мәселен, «Тәуелсіздік ұрпақтары», «Zhas Project», «Дарын» сыйлықтары, одан басқа бизнес жобаларға қатысу мен мемлекеттік гранттар алу мүмкіндігі артады. Сол сияқты жергілікті атқарушы органдарға жастарға жеңілдікпен жалға берілетін тұрғын үй бағдарламасын әзірлеп, іске асыру бойынша жаңа құзырет беруге бағытталған түзетулер қарастырылып отыр. Әкімдіктер «Отбасы банкімен» бірлесіп 35 жасты қоса алғанда, азаматтар қатыса алатын жастарға арналған өңірлік тұрғын үй бағдарламаларын әзірлей алады»,- деді Данияр Қадыров Орталық коммуникациялар қызметі алаңында өткен баспасөз мәслихатында.
Фото: Zanmedia.kz