|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Кеше Нұрсұлтан Назарбаев кездесу барысында әлеуметтік санатқа жататын 100 мың отбасыға «Birgemiz» қоры тарапынан 50 мың теңге көлемінде қаржылай көмек беруді жалғастыруды тапсырды.
Аталмыш көмекке қор атынан 5 миллиард теңге бөлінді.
«Осы жолы 100 мыңнан астам отбасыны бұл көмекпен қамтимыз. Осы орайда көмек алушылардың 7 санаты нақтыланды. Олардың қатарында тұрмысы төмен көпбалалы отбасылар, мұқтаж мүмкіндігі шектеулі жандар, мүгедек баланы тәрбиелеп отырған отбасылар, ең төменгі зейнетақы алатын және халықтың әлеуметтік әлсіз тобына жататын зейнеткерлер, жетім балалар, Ұлы Отан соғысына қатысушылар мен мүгедектер және соларға теңестірілгендер, тыл еңбеккерлері бар», - деді Р.Сәкеев.
Қор төрағасының айтуынша, ақшалай көмек жақын күндері үлестіріле бастайды. Отбасылардың тізімін әкімдер өткізеді және бұрын бұл көмекті алмаған отбасылар қамтылады.
Айта кетейік, осы уақытқа дейін қор атынан 550 мыңнан астам отбасыға 50 мың теңгеден беріліп, қаржылай көмек көрсетілген еді. Елдегі індетпен күрес кезінде Нұр-Сұлтан мен Алматы қаласының 2112 медицина қызметкеріне біржолғы төлем берілді. Коронавирус инфекциясы елде тарала бастаған кезде елорда, Алматы және Шымкентте әлеуметтік әлсіз 100 мың отбасыға 5 миллион бетперде таратылды.
Тағы көру
