Жаңалықтар

БҚО-да 800 ірі қара бруцеллез инфекциясына шалдыққан

17.04.2026

мин

0

70

Сурет: GOV.kz

Батыс Қазақстан облысында жүргізілген ветеринарлық тексеріс барысында жүздеген ірі қарадан бруцеллез ауруы анықталды, — деп хабарлайды Dauletten.kz. 

Батыс Қазақстан облысында мал арасында бруцеллез инфекциясы тіркелді. Ветеринария қызметінің мәліметінше, жоспарлы тексеріс кезінде 800-ден астам ірі қарадан қауіпті жұқпалы ауру анықталған.

Өңірде ауыл шаруашылығы жануарлары белгіленген тәртіпке сәйкес тұрақты түрде тексеруден өткізіледі. Ірі қара, қой мен ешкі жылына екі рет, түйе жылына бір рет бруцеллезге қарсы тексеріледі. Ал жылқы мен шошқа тек ауру белгілері байқалған жағдайда ғана зерттеледі.

Мамандардың айтуынша, анықталған малдың бір бөлігі шаруа қожалықтарына, ал қалғаны жеке тұрғындардың иелігінде болған. Ветеринарлық талаптарға сәйкес, ауру мал иелері оларды белгіленген мерзімде арнайы ет өңдеу орындарына тапсыруы тиіс.

Бруцеллез – жануарлардан адамға жұғуы мүмкін аса қауіпті инфекция. Сондықтан мамандар мал өнімдерін тек тиісті термиялық өңдеуден кейін ғана пайдалануға кеңес береді.