|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Елімізде қайырымдылықтың брендіне айналған Дәулет Төлеутайұлының оқырмандары небәрі 5 сағатың ішінде 12 миллион теңгеден аса қаржы жинаған. Оқырмандар коронавируспен ауырғандарға көмек қолын созу мақсатында қаржы жинауды бірден бастап кеткен. Нәтижесінде Түркиядан 125 аппарат жеткізілді. Бұл бастаманы алғашқыда айтыскер ақын Айнұр Тұрсынбаева бастаған. Бірлесе аппараттарды елге жеткізіп, бүгін еліміздің әр аймағына аппараттарды үлестіру жұмыстары жүргізіліп жатыр.
"Аппаратты доллармен сатып алып жатырмыз, сондықтан қате кетпеуі үшін сол валютамен түсіндірейін. Жасанды тыныс беру аппараттарын Түркиядан сатып алдық. 63 аппарат үшін 35 500 доллар (14,5 миллион теңге - авт. еск.) төлейміз. Бірақ біз медициналық салық, кеден салығын төлемейміз. Өйткені, елшілік көмектесуге уәде берді. Аппараттарды Қазақстанға жеткізу де тегін болады. Бір аппарат бізге шамамен 225-230 мың теңгеге шығып отыр", - дейді Дәулет Төлейтайұлы.
Аппараттар жеке адамның қолына өтпей, еліміздің әр өңіріндегі емханаларға беріледі. Сондай-ақ бұл жерде халық саны көп шоғырланған елдімекендерге бірінші таратылады.
"Жобаның атауын "Екінші тыныс" деп атадық. Атына заты сай бұл аппараттар ауырған жандарға екінші тыныс сыйлайды деген үміттеміз", - дейді Төлеутайұлы.
Айта кету керек, аталмыш аппараттар ИВЛ емес, оттекті концентратор аппараттары. 125 аппараттың 63 данасын «Dauletten» қоры алса, қалған аппараттарды айыскер ақын Айнұр Тұрсынбаева, Жанат Бақыт, Эльмира Ешниязова бірлесе алған. Ал Қазақстан бойынша жеткізуге өз үлесін қосқан «Atameken» ҰКП-нан Диана Қырықбай, «Менің Қазақстаным» Қоғамдық бірлестігі директоры Ләззат Чинкисбаева, жедел әрі қауіпсіз жетуге ат салысқан «Pony Express», «Logistic Point» компаниялары бар.
Қайырымды оқырмандар арқасында Дәулет Төлеутайұлы тамыз айында мектеп жасындағы балаларға сабақ онлайн өтетін болса, ноутбук, планшет немесе байланыс телефондарын алу жоспарда бар.
Тағы көру
