|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Екі айдың ішінде өзін банкрот деп тануды сұраған қазақстандықтардың 70%-ының өтініші қабылданбаған. Өйткені қаржы министрлігінің айтуынша, адамдардың қарызы шекті сома, яғни 1 600 айлық есептік көрсеткіштен асып кеткен, деп хабарлайды Dauletten.kz.
Өтініш бергендердің кейбірі ипотека төлеп жатқаны анықталған, яғни қарыз төлеуге мүмкіндігі бар. Ал көпшілігінің меншігінде мүлік, автокөлік, жер учаскісі бар. Мұндай мәліметтер банкроттық рәсімдеу сотқа жетпей белгілі болған.
Десек те өтініші қабылданбаған азаматтардың үш айдан кейін қайта өтініш беруге құқы бар. Себебі, қабылдау әлі жүріп жатыр. Жалпы 3 наурыздан бері 50 мыңға жуық өтініш түскен.
«Қазіргі таңда 49 мың арыз түсті. Солардың 6 мыңнан астамы өңделіп, оң шешімі қабылданып, осы 6 айдың ішінде ол азаматтарға "банкрот" деген статус берілуі мүмкін. Бұл бірінші шешім қабылданды. Әлі нақты шешім қабылдаған жоқ. Себебі заңнама бойынша, 6 ай мерзім өтуі керек. Арызды берушілердің 36 мыңының арызы кері қайтарылды», - деді Қаржы вице-министрі Ержан Біржанов.
Фото: ratel.kz
