|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Биыл Қазақстанда төлқұжатты онлайн форматта қайта рәсімдеу қызметін енгізу жоспарланып отыр. Бұл туралы Жасанды интеллект және цифрлық даму бірінші вице-министрі Ростислав Коняшкин Үкімет отырысынан кейін өткен брифингте мәлімдеді, - деп хабарлайды Dauletten.kz.
Оның айтуынша, жаңа сервис Ішкі істер министрлігімен бірлесіп іске асырылып, бастапқы кезеңде тек құжатты қайта шығару мүмкіндігімен шектеледі. Ал төлқұжатты алғаш рет рәсімдеу әзірге офлайн форматта қала береді, себебі бұл үдеріс азаматтың жеке басын нақты сәйкестендіруді талап етеді.
Бірінші вице-министр цифрлық қызметтерді енгізу кезең-кезеңімен жүзеге асатынын атап өтті. Бұл ретте процестің қауіпсіздігіне, сенімділігіне және азаматтар үшін ыңғайлы болуына ерекше мән берілмек.
Сондай-ақ ол қазіргі уақытта жүргізуші куәлігін онлайн рәсімдеу қызметі жұмыс істеп тұрғанын айтып, алдағы уақытта бұл сервисті толық цифрлық форматқа көшіру көзделіп отырғанын жеткізді. Дегенмен, Халыққа қызмет көрсету орталықтары арқылы дәстүрлі түрде қызмет алу мүмкіндігі сақталады.
