|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстанда жастарды қолдауға бағытталған түрлі мемлекеттік гранттар бар. Олар білім алуға, кәсіпкерлікті дамытуға және шығармашылық бастамаларды іске асыруға көмектеседі. Dauletten.kz сайты грант түрлерін оқырман назарына ұсынады.
1. "Тәуелсіздік ұрпақтары" гранты
Бұл грант 14 пен 35 жас аралығындағы жастарға келесі салаларда жобаларды жүзеге асыру үшін беріледі:
• Ғылым: жаңа ғылыми зерттеулер мен жобаларды қолдау.
• Мәдениет: мәдени мұраны насихаттау және ұлттық дәстүрлерді дамыту.
• Ақпараттық технологиялар: IT шешімдер мен стартаптарды әзірлеу.
• Бизнес: экономиканың басым салаларында жаңа бизнес-идеяларды іске асыру.
• Медиа: жастарға арналған танымдық және қызықты контент жасау.
Жылдың соңына дейін 30 жас азаматқа грант беріледі, әрқайсысы 3 миллион теңге мөлшерінде. Жобаларды іске асыру мерзімі – 1 жыл.
Толығырақ: mybusiness.kz
2. Бизнес ашуға арналған мемлекеттік гранттар
"Бастау Бизнес" бағдарламасы аясында жас кәсіпкерлер өз ісін дамыту үшін қайтарымсыз гранттар ала алады.
Гранттар келесі қажеттіліктерге жұмсалады:
• Құрал-жабдықтар сатып алу;
• Мал, тұқым, шикізат алу;
• Басқа да бизнеске қажетті шығындар.
Толығырақ: business.enbek.kz
3. Білім беру гранттары
"Қазақстан халқына" қоры бакалавриат бағдарламасы бойынша білім алу үшін 1 миллион теңгеге дейінгі оқу ақысын жабатын гранттар береді.
Гранттар келесі санаттағы талапкерлерге беріледі:
• ҰБТ-дан өту балын жинағандар;
• Әлеуметтік осал топтарға жататын жастар.
Толығырақ: qazaqstanhalqyna.kz
4. "Belesteri" гранттары
Бұл бағдарлама жастарға арнайы оқудан өтіп, жобаларын жүзеге асыру үшін 2 000-нан 4 000 АҚШ долларына дейін грант алуға мүмкіндік береді.
Толығырақ: liter.kz
Әр гранттың өз талаптары мен шарттары бар. Жастар мемлекеттік қолдауды тиімді пайдаланып, өз мүмкіндіктерін арттыру үшін ресми ақпарат көздеріне жүгінгені дұрыс.
