| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстан Республикасы Құрылтайының күн тәртібіне республикалық бюджет, онлайн-платформалар мен масс-медиа қызметін реттеу, халықаралық ынтымақтастық және Жастар кеңесін құру мәселелері енгізілді, – деп хабарлайды Dauletten.kz.
Күн тәртібіндегі негізгі мәселелердің бірі – 2027–2029 жылдарға арналған республикалық бюджет туралы заң жобасы. Құжат екінші оқылымда қаралады.
Сонымен қатар онлайн-платформалар мен масс-медиа мәселелері бойынша заңнамаға өзгерістер мен толықтырулар енгізуді көздейтін екі заң жобасы бірінші оқылымда талқыланады. Оның бірі қолданыстағы заңнамалық актілерге, екіншісі Әкімшілік құқық бұзушылық туралы кодекске қатысты.
Бұдан бөлек, отырыста Конституциялық соттың «Қазақстан Республикасындағы конституциялық заңдылықтың жай-күйі туралы» жолдауы қаралады.
Халықаралық ынтымақтастық бағытында Қазақстан мен Сингапур арасындағы қылмыстық істер бойынша өзара құқықтық көмек туралы келісімді ратификациялау мәселесі талқыланады.
Сондай-ақ Түркі мемлекеттері ұйымына мүше елдердің цифрлық экономика саласындағы әріптестігі туралы келісімді ратификациялау жөніндегі заң жобасы бірінші оқылымда қаралады.
Күн тәртібіндегі тағы бір мәселе – I шақырылымдағы Қазақстан Республикасы Құрылтайының жанынан Жастар кеңесін құру.