Жаңалықтар

ЭЦҚ-ны пайдалануда жаңа ереже: заңбұзушылық үшін айыппұл қарастырылған

10.10.2025

1 мин

0

149

Сурет: gov.kz

Енді азаматтар электрондық цифрлық қолтаңбаны (ЭЦҚ) қолдану кезінде өздерінің жеке басын 1414 нөмірінен келетін SMS-код арқылы растауы тиіс, - деп хабарлайды Dauletten.kz.

Бұл – цифрлық қауіпсіздікті арттыру мақсатында енгізілген жаңашылдық.

Азаматтар SMS-кодтың орнына балама әдіс ретінде eGov Mobile мобильді қосымшасын пайдалана алады. Бұл жағдайда сайтта көрсетілген QR-кодты сканерлеу арқылы жеке басын растауға мүмкіндік бар.

ЭЦҚ-ны дұрыс пайдаланбағаны үшін айыппұл қарастырылған:

• Жеке тұлғаларға – 50 айлық есептік көрсеткіш (АЕК) көлемінде айыппұл салынады, бұл 2025 жылғы есеп бойынша 196 600 теңгені құрайды;
• Лауазымды тұлғалар мен шағын кәсіпкерлік субъектілеріне – 100 АЕК;
• Орта кәсіпкерлік субъектілеріне – 150 АЕК;
• Ірі кәсіпкерлік субъектілеріне – 200 АЕК көлемінде айыппұл белгіленген.

Сонымен қатар, ЭЦҚ-ны үшінші тұлғаларға беруге қатаң тыйым салынғаны ескертілді. Бұл – құжат айналымындағы заңдылықты қамтамасыз ету және алаяқтық фактілерінің алдын алу мақсатында қабылданған шара.

Мамандар азаматтарды цифрлық қолтаңбаны тек өздері пайдаланып, жеке деректердің қауіпсіздігін қамтамасыз етуге шақырады.