|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Көкпар кезінде көлікпен алаңға кірген ер адам қылмыстық жауапқа тартылмақ, - деп хабарлайды Dauletten.kz.
Қызылорда облысының Шиелі ауданында көкпар ойыны кезінде ер адам көлігімен алаңға кіріп, бірнеше жылқыны басып өткен сәттің видеосы әлеуметтік желіде тарады.
Полиция департаментінің мәліметінше, оқиға 1 қараша күні Алғабас ауылында болған. Белгілі болғандай, жергілікті тұрғын ұйымдастырған көкпар кезінде жүргізуші ережені елемей, тікелей алаңға кіріп кеткен. Салдарынан бірнеше жануар жарақат алған.
Оқиға орнынан ешкім «102» арнасына шағым түсірмегенімен, бейнежазбаның жариялануынан кейін полиция тексеріс бастады. Қазіргі уақытта күдікті анықталып, бөлімшеге жеткізілді.
Қазір бұл жайтқа қатысты тергеу амалдары жүріп жатыр. Полиция оқиғаға қатысы бар азаматтардың әрекеттерін мұқият тексеріп, заң аясында тиісті шешім қабылдайтынын мәлімдеді.
