|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Мәшһүр Жүсіптің мерейтойы кезінде өткен көкпарда аттан құлаған шабандоз комаға түсті, бұған қатысты тексеру басталды, деп хабарлады Dauletten.kz pavlodarnews.kz-ке сілтеме жасап.
Оқыс оқиға 11 тамызда болған.
Облыстық полиция департаментінің хабарлауынша, Баянауыл ауданы Жаңажол ауылында Мәшһүр Жүсіптің 165 жылдығына орай ұйымдастырылған көкпар кезінде командалардың бірінің ойыншысы атпен бірге құлап, жарақат алды.
«Ер адам Екібастұздағы ауруханаға жеткізілді. Осы факті бойынша тексеру жүргізіліп жатыр», – делінген хабарламада.
Алғашқы медициналық көмекті жедел жәрдем қызметкерлері көрсеткен. Пациент жарақаттың ауырлығына қарай жансақтау бөліміне жатқызылған.
«Науқастың жағдайы өте ауыр, комаға түскен, жасанды тыныс алу аппаратында жатыр», – деп хабарлады денсаулық сақтау басқармасы.
