|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстандық режиссёр Думан Еркімбектің дебюттік толықметражды фильмі "QAITADAN" үш апта ішінде 1 млрд теңгеден астам табыс жинап, отандық прокатта көш бастады, - деп хабарлайды Dauletten.kz.
Бұл жоба – мемлекет қолдауымен түсіріліп, кино өндірісіне бөлінген қаражатты бес есе артығымен өтеген алғашқы фильм.
Көрермен көзайымына айналған картина оқиға желісімен ғана емес, визуалды шешімдерімен де ерекшеленеді. Фильмде қауіпсіздік, жауапкершілік пен бірлік идеясы көрініс тауып, жастарды достық пен бауырмалдыққа үндейді. Сондай-ақ туындыда отбасы құндылықтары, әлеуметтік жауапкершілік пен адамгершілік қағидаттары дәріптелген.
"QAITADAN" 2023 жылғы ұлттық кино питчингі жеңімпазы атанып, ҚР Мәдениет және ақпарат министрлігі мен Ұлттық киноны қолдау мемлекеттік орталығының қолдауымен түсірілген.
Ұлттық киноны қолдау мемлекеттік орталығының басқарма төрағасы Құрманбек Жұмағалидың айтуынша, Қазақстан киноиндустриясы қарқынды дамып келеді. Бұл ұлттық контентті ілгерілетуге, тұрақты қолдау жүйесін қалыптастыруға және халықаралық ынтымақтастықты кеңейтуге мүмкіндік береді. Оның сөзінше, "QAITADAN" – жас режиссёрлердің жаңа мүмкіндіктерін айқындайтын жарқын мысал.
